“Byddwn yn ceisio cynnwys amrywiaeth o erthyglau yn Cymru a'r Môr a fydd yn apelio at y lleygwr a'r hanesydd proffesiynol fel ei gilydd, ac a fydd yn trafod gwahanol agweddau ar berthynas dyn â'r môr o gwmpas arfordir Cymru ac y tu hwnt. Y mae cysylltiadau morwrol Cymru â gwledydd ar gyfandiroedd eraill o ddiddordeb arbennig inni. Yn anad dim, byddwn yn ceisio olrhain hanes llongau Cymru ar hyd yr oesau, eu perchnogion, a'r gwŷr (a'r gwragedd) a fu’n eu hwylio. Hyderwn y bydd y cylchgrawn hwn yn fodd i’r rhai hynny sydd â diddordeb personol neu deuluol ym mywyd morwrol Cymru gyfrannu a thrwy hynny ail-greu cymaint â phosibl o’n gorffennol morwrol...”